Fiahna paltlangtu Tsitsipas

Stefanos Tsitsipas chuan French Open 2023 a match hmasa berah fiahna hautak a hmachhawn nghal, a khingpui Jiri Vesely chu 7-5, 6-3, 4-6, 7-6 (7) in a hneh, a match lehpekah chuan Roberto Carballes Baena a hmachhawn leh ang.

Seeded pangana Tsitsipas chuan, "Jiri Vesely khan hna harsa min siamsak hnem khawp mai, hmachhawn a awlsam lo hle. Tournament chu a tir lam hi hriatthiam a harsa ṭhin, chuvangin zanina ka chak chu ka lawm hle," a ti.

Kum 24 mi Tsitsipas tan French Open hi a pawimawh zual, clay court inelna lianah hian a champion thei a nih chuan a vawi khat nan world number 1 a ni dawn, chumi tur erawh chuan hna hautak thawh tur a la hmabak hnem hle.