State Level Grassroots inelna an ṭan

MSSC Tata Trusts Grassroots Football Academy State Level Tournament chu nimin khan RG Stadium, Mualpuiah a hawnna neih a ni a, match thum khelh a ni nghal.

State Level Grassroots inelnaah hian team pasarihte chu group hnihah ṭhen an ni. Pool A-ah Chhiahtlang, Kolasib, Republic Veng leh Khawzawl te an awm a, pool B-ah Electric Veng (Lunglei), Saitual-Keifang leh Zawlnuam te an awm thung.

Group tin aṭang hian a sang pahnihin semifinal an lut dawn. Vawiin hian group match khelh zawh a ni dawn a, zing leh zanah khelh a ni dawn.