Melbuk leh Zotlang an chak

Upa C. Keikhuma Memorial Inter Village Football Tournament quarterfinal chu nimin khan an khel zo a, Kanan leh Vengthar hnung zuiin Zotlang leh Melbuk ten semifinal an lut.

Chhangphut Field-a inkhelah Zotlang leh Ruantlang te hun pangngaiah an inhnehtawk a, extra time-ah Zotlang tan FC Bethlehem forward Lalbiakdika'n chakna goal a khung.

Inkhel hnuhnung zawkah Melbukin thawm nei lian mah se Kahrawt lakah minute 120 chhungin goal an khung thei lo. A tawpah substitute goalkeeper Laldinpuia chu hero a ni a, penalty shootout-ah 4-3 in an chak hram.