Jude Bellingham tan chawimawina

Borussia Dortmund midfielder Jude Bellingham chu Bundesliga player of the season chawimawina hlan a ni. England international hian a team champion pui zo ta chiah lo mah se a hnathawh sawi nep theih a ni lo.

Kum 19 mi chauh la ni mah se Bellingham hi khelmual chhungah a puitling tawh a, tun season Bundesliga match 31 a khelh aṭangin goal riat a khung bakah a ṭhiante khung tur vawi nga a siamsak bawk.

Match hnuhnung ber an khelh thlengin champion thei dinhmunah an ding a, mahse an mikhual Mainz an hneh zo lo; 2-2 a an inhnehtawk avangin point hnih an paih a, champion lai Bayern Munich bawk an champion phah a ni.

Bellingham chuan, "Season tin hian ka mawhphurhna a sang tual tual a, coach leh player ṭha tak tak awmkhawmna hmuna ka tel ve thei hi ka lawm," tiin a sawi.

Nipui bazarah Bellingham hian Real Madrid a zawm dawn a, league match hnuhnung ber kha Dortmund tana a match tawpna a ni nghal bawk. Season tharah chuan Spanish club lian jersey a ha dawn a ni.