Manager ṭha ber Guardiola

Manchester City manager Pep Guardiola chu League Managers Association chuan manager of the year atan an thlang, chawimawina hi a vawi thum dawnna a ni.

England rama football league division hrang hrang ten an thlan ṭhin a ni a, a hming atan 'Sir Alex Ferguson Trophy' an vuah. Guardiola hian tun hnai Premier League season ruk chhungin a naute vawi nga a champion pui thei, midang chungah a leng.

Kum 52 mi Guardiola chuan, "He chawimawina hi ka tan chuan a hlu takzet. Khawvela league ṭha berah kan awm a, season tharah pawh league ṭha ber kan nih chhunzawm ngei ang tih ka chiang," a ti.

LMA manager of the year award hi David Moyes chuan vawi thum a lo dawng tawh a, dawn hnem lamah Pep nen an inzat chiah. Vawi nga dawng tawh Sir Alex Ferguson chiah a chungah hian a awm.