Brentford-in keeper Flekken an lalut

Premier League club Brentford chuan Netherlands goalkeeper Mark Flekken chu Freiburg aṭangin pound maktaduai 11-in an lalut a, kum li chhung atan contract a ziak.

Netherlands tana vawi li inlan tawh keeper hian Brentford tana khel turin sorkar lamah tihfel ngai erawh a la nei a, a tihfel hunah Brentford jersey hain a inlan thei chauh ang.

Flekken chuan, "Ball keng ṭhin goalkeeper ka ni a, rilru fim taka khel ho turin he squad hi ka rawn zawm a ni. Ka hmaa ding player-te chu an tih tur hrilh a, pek ka duh a, min puih theih nan ka pui duh a ni," a ti.

Kum 29 mi keeper hian season hmasa khan Bundesliga-ah match 34 khelin vawi 13 clean sheet a nei thei a, Flekken chuan, "Kum sarih liam taa Germany-a third division club tana ka khelh lai khan, Premier League-a ka la khelh tur thu min hrilh ula, ka awih lo tawp ang," a ti a, a beisei phak bak a thlen thu a sawi.

Brentford manager Thomas Frank chuan, "Player quality nei sang tak a ni a, shot stopper ṭha tak, a kea ball ken pawh nuam ti tak a ni. A ball sem vel chu hmuhnawm tak a ni," a ti a, Brentford hian season hman zawh tak kha league-a pakuana ni chungin an khar.