Turkish champion Galatasaray

Galatasaray chuan a vawi 23 nan Turkish league title an la. Thawhlehni zan khan an khingpui Ankaragucu chu 4-1 in an hneh a, league match 34 aṭanga point 82 hmuin a champion tih an nemnghet.

Galatasaray tan hian Argentine forward Mauro Icardi chuan goal hnih a khung a, Baris Alper Yilmaz leh Sergio Oliveira te chuan goal khat ve ve an khung ve bawk.

Kum 2019 hnu lamah Galatasaray hi Turkey rama football inelna sang berah hian an champion lehna hmasa ber a ni a, champion hnem lamah an elpui Fenerbahce chu nomawi paliin an khum ta chiah.

Season hmasa mai kha chuan Super Lig-ah Galatasaray hi 13-na an ni a, 13-na niin season an hman chiat ber ṭum a ni hial. Kuminah erawh ropui takin an tho chhuak, khelh hmabak pakhat nei chungin Fenerbahce tan umphak theih an ni tawh lo.