Dr. T Ao Trophy khel tur squad puang

Mizoram chuan nimin khan North East Dr. T Ao Trophy khel tur squad an puang a, hmarchhak state-te tana football inelna ngaihhlut hi January 18-28 inkar hian Kohima, Nagaland-ah khelh 

a ni ang.

Mizoram team hi coach Lalremtluanga leh manager tawnhriat nei ṭha T. Vanlalhluna te hoin an khel dawn a, player 20 zingah senior player an ko tam hle. MFA chuan kumin hian a vawi khat nan Santosh Trophy final round a thleng dawn a, Dr T. Ao Trophy hi inpuahchahna ṭha tak a ni thei ang.

Group B-ah Mizoram hi Sikkim, Assam leh Meghalaya te nen an awmho a, January 21 hian match hmasa berah Meghalaya nen an inhmachhawn dawn. Assam nen January 23-ah an inkhel leh ang a, match tawp berah Sikkim nen January 25-ah an inkhel ang. Group khat aṭangin team pahnihin semifinal an lut ang a, final khel tur zawnna hi January 27-ah khelh tur niin January 28-ah final khelh nghal tur a ni. Mizoramin January 17 hian inelna neihna hmun tur panin Aizawl an chhuahsan ang.

 

Mizoram hian kum 2012 khan Sikkim-ah tun ṭuma manager T. Vanlalhluna ho hian Dr. T Ao Trophy-ah an champion tawh a, hemi ṭum hian tun ṭuma squad-a tel F. Lalrinpuia hi player pawimawh a ni a. Malsawmfela, David Lalrinmuana, Lalbiakhlua leh MS Dawngliana ten Mizoram tan sulhnu ṭha tak an hnutchhiah tawh. Mizoram hian kum 2014-a Santosh Trophy an champion ṭum khan Lammualah Dr. T Ao Trophy hi an chawi tawh bawk.

 #    Hming    Club    Pa Hming    Veng/Khua

Goalkeepers

1    Lalmuansanga     Electric Veng FC    Lalhmangaiha     Bethlehem Vengthlang 

2    RS Lallawmzuala     FC Venghnuai     R. Lalrohlupuia     Republic Veng 

Defenders

3    PC Laldinpuia     Electric Veng FC    PC Lalremthanga     Samtlang 

4    Lalrinchhana Tochhawng     Chanmari FC     Zorimawia     Chanmari 

5    Vanlalzuidika     Chhinga Veng FC     Masaia(L)     Pukpui, Lunglei 

6    Lalmawizuala     Chhinga Veng FC    Zoramliana     Nisapui 

7    Vanlalnghenga     Chanmari FC     Lalrelliana     Serchhip, Dinthar 

8    C. Lalnunmawia     Electric Veng FC    C. Para     Rengtekawn, Kolasib 

9    K. Lalmalsawma     Electric Veng FC    K Zodinsanga     Bethlehem Vengthlang 

Midfielders

10    R. Malsawmtluanga     Mizoram Police FC    Laldangliana     Darlawn 

11    Lalruatfela     Chanmari FC     Lalramthanga     Republic Veng 

12    David Lalrinmuana     Chanmari FC    R. Tlangkunga     Zemabawk North 

13    Lalchungnunga Chhangte     Chhinga Veng FC    C. Laldinmawia     Zotuitlang 

14    Vanlalthanga     FC Venghnuai    Lalramzauva     Hualngohmun 

15    Lalsawmzela     Chhinga Veng FC     Lalramthara     Champhai Kanan 

Forwards

16    MS Dawngliana     Chanmari FC    Vanlalvena     Bawngkawn 

17    Malsawmfela    Mizoram Police FC     Vanlalliana    Ramhlun South

18    Lalbiakhlua     Mizoram Police FC    Lalliandawla     Keifang/Electric Veng 

19    Vanlalthlamuana     Chawnpui FC    Vanlalliana     Ramhlun South 

20    F. Lalrinpuia     Mizoram Police FC     Bawlliana     Republic Veng 

Coaching Staff

Manager    T. Vanlalhluna    Dinthar

Coach    R. Lalremtluanga    Venghnuai

Asst Coach    Anand Gurung    Tanhril