AIFF 'D' Licence nei thar mi 17 an awm

AIFF D Certificate Course chu May 8-13 chhung khan Kolasib-ah neih a ni a, mi 24 zinga 17-in ṭha takin an pass a, exam nawn ngai (Pro-pass) pathum awmin pali an fail thung.

He course-ah hian instructor chu Danny Lalduhawma, AIFF Coach Educator a ni a, ani hi Mizo zinga AFC A License Course zo hmasa ber niin AIFF chuan Coach Educator atan a chhawr zui a ni.

Heng mite bakah hian D Licence Course hmasaa pro-pass mi pangain an exam nawn leh a, an pass vek a ni.