Serie A coach ṭha ber Spalletti

Luciano Spalletti chu Serie A Coach of the Season atan thlan a ni. Spalletti hian Napoli chu kum 33 hnua a vawi khat nan Italian champion a nih pui a, coach ṭha chawimawina dawn hi a phu hle.

Tun kartawp hian Serie A season kal lai a zo dawn. Napoli chuan Pathianni zan dar 10:00 hian Diego Armando Maradona Stadium-ah Sampdoria an mikhual dawn a, inkhelh hmain Spalletti hi chawimawina hlan a ni ang - Naples club hian Serie A nomawi an chawi dawn bawk.

Lega Serie A chief Luigi De Siervo chuan, "Napoli tana Luciano Spalletti hnathawh hi a ropui a, an inkhel result chauh ni loin football an khelh dan kalphung chuan mipui a hneh hle, club chauh ni loin ram team pawhin an entawn duh tur a ni," a ti.

Kum 64 mi Spalletti hian 2004-05 leh 2005-06 season khan Serie A Coach of the Year chawimawina hi a lo dawng tawh bawk.