Guwahati êntu Lalengmawia

Mizo rawlthar duhawm Lalengmawia chu Zirtawpni zan khan Indian Super League inkhelah Hero of the Match atan thlan a ni a, a club khelhna NorthEast United leh Kerala Blasters chu goal khung loin an inhnehtawk. 

Engmawia hian Highlanders-in goal an chhuah loh nan a thawh hlawk takzet a, midfield aṭangin tlarhnung a pui ṭha hle - pass a neih zinga 77% chu a dik bawk a, a vawi khat nan Hero of the Match-ah thlan a ni ta a ni. 

Kerala Blasters tan hliam vanga rei tak kan hmuh loh hnuah Lalruatthara chuan inkhel bul a ṭan a,  tun season-a a vawi khat inlannaah 90 minute khel tluanin Emerging Player of the Match-ah thlan a ni bawk. 

Highlanders leh Blasters tan semifinal khelh beiseina erawh a awm tawh lo a, match hmabak an neihah chak vek pawh ni se a sang pali zingah an tel thei tawh lo.