CYMA Football Thlirna Tawi

Vawiin aṭangin CYMA Football quarterfinal khelh ṭan a ni dawn a, en man hi mi pakhat tan Rs 50 a ni ang.

RG Stadium-a inkhel hi LPS chuan live-in a pe chhuak dawn a, LPS13 (HD Channel) leh LPS YouTube channel a en theih ang. Lammual inkhel erawh official-a live tur a ni dawn lo a, chutihrualin YouTube kaltlanga enna tur erawh a awm thung ang.

2023 Quarterfinal lutte: Bawngkawn, Bethlehem Vengthlang, Durtlang, Hualngohmun, Khawzawl Vengthar, Salem Veng, Tlangnuam leh Venghnuai.

Champion tawhte : Armed Veng (5 - 1985, 2003, 2010, 2012, 2015), Electric Veng (3 - 1987, 1989, 1998), Chaltlang (2 - 1988, 1995), Dinthar (2 - 1990, 2002), Ramhlun South (2 - 2008, 2017), Zotlang (2000), Ramthar Veng (2004), Republic Veng (2005), Lengpui (2006), Kanan Veng (2007) leh Chanmari (2019) te an ni.