Mizoram Karate team hlawhtling

All India Karate Championship 2023 neih zawh takah Mizoram aiawha feh chuak Karate Team chuan medal pakua an hlawh chhuak. New Delhi-a inelna hmachhawn tute hian vawiinah Aizawl an rawn thleng ang.

Inelna hmachhawn zo chiah mah se North East Karate Championship leh Asian Games atana India aiawh tur thlanna neih a ni chhunzawm leh dawn. All Mizoram Karate Associaton chuan player zawng zawngte inthlahdah loa thawkrim chhunzawm nghal turin an duh.

All India Karate Championship neih rual hian National Referee & Judge Exam neih nghal niin; Mizoram in Referee ‘B’ Grade pass thar Sensei C. Lalengliana leh Judge ‘B’ Grade kai thar Shihan John Lalchungnunga te an neih belh a ni.

Thla hmasa khan 21st WTSKF National Karate Championship 2023 chu neih tawh a lo ni bawk. Pedeem Sports Complex, Goa-a khelh zawh takah hian player pakua telin medal pakua an lo hlawh chhuak tawh bawk.