WTC a hnai ta: Rinkai zawk Australia

India leh Australia chuan June 7-11, 2023 chhung hian The Oval, London-ah World Test Championship final an khel dawn. Aussies hian 2021-23 chhung khan Test match 19 khelin 66.67 points an hmu a, table chung berah awmin chak tura rinkai zawk an ni.

Chutihrualin India hian WTC final vawi hnih an khelhna tur a ni a, a hmasa berah khan Rose Bowl, Southampton-ah New Zealand an hneh lo. Khami ṭuma captain chu Virat Kohli a ni a, tun ṭumah erawh Rohit Sharma hoin an khel tawh thung.

WTC final-ah hian Grade 1 Dukes ball an hmang dawn a, June 7 tlai dar 3:30 aṭangin khelh ṭan a ni dawn. Star Sports leh Disney Hotstar hmangin a en theih ang.

India Squad :

Rohit Sharma (captain), Ravichandran Ashwin, KS Bharat, Shubman Gill, Ravindra Jadeja, Virat Kohli, Ishan Kishan, Cheteshwar Pujara, Axar Patel, Ajinkya Rahane, Mohammad Shami, Mohammad Siraj, Shardul Thakur, Jaydev Unadkat, Umesh Yadav.

Australia Squad :

Pat Cummins (C), Marcus Harris, Travis Head, Usman Khawaja, Steven Smith, David Warner, Marnus Labuschagne, Cameron Green, Alex Carey, Josh Inglis, Scott Boland, Nathan Lyon, Todd Murphy, Mitchell Starc, Michael Neser.