Spain squad-ah Fati leh Nacho

Nations League khel turin Spain coach Luis de la Fuente chuan player ṭhenkhat hliam vangin squad a tidanglam a, player koh zingah Barcelona forward Ansu Fati leh Real Madrid defender Nacho te koh leh hnuhnawh an ni.

A tirah chuan Nico Williams leh David Garcia te koh an ni. Mahse, Athletic Bilbao winger Williams hi Pathianni zana Real Madrid nen an inkhelh ṭumin a inhliam a, Osasuna defender Garcia pawh Girona nen an inkhelhnaah a hliam bawk.

Spain hian June 15 hian Nations League semifinal-ah Italy an hmachhawn dawn, an chak a nih chuan semifinal lehlama Netherlands leh Croatia inkhela chak zawk nen final an khel leh ang.

Luis Enrique thlaktu Luis de la Fuente tan fimkhur a ngai dawn. An ram team hi thla ruk chauh a la enkawl a, mahse Euro 2024 qualifier-ah Scotland an ngam loh avangin sawisel a hlawh - Italy nen an inkhelh tur hi fiahna a ni dawn.

Spain Squad:

Goalkeepers: Unai Simón, Kepa & David Raya.

Defenders: Carvajal, Jesús Navas, Laporte, Nacho, Le Normand, Jordi Alba, Bernat.

Midfielders: Rodri, Zubimendi, Fabián, Mikel Merino, Gavi, Canales.

Forwards: Morata, Joselu, Rodrigo Moreno, Marco Asensio, Nico Williams, Dani Olmo and Yeremi Pino.