Durtlang lakah Kanan an chak

Tata SK Pro Volleyball League 2023 an khel chhunzawm a, hmeichhe inelna lamah Kanan chuan set hloh loin Durtlang an hneh. Thawhṭanni zan R. Dengṭhuama Indoor Stadium-a inkhelah 25-16, 25-17, 25-10-in an chak a ni.

Kanan hian player mal langsar tak nei lo mah se, setter tawnhriat nei ṭha FVL Hmuchhuaki'n ball a sem thiam a, point 10 thawk chhuaktu Lalbiakngheti langsar bawkin ani hi D3 Business Player of the Match-a thlan a ni.

Kum 2019 PVL champion Durtlang tan Lalpekhlui'n point 10 a neih bak chu player mal che hleithei an awm meuh lo. PVL nomawi an chawi hnuah tualchhung basketball inelna sangah hian chak ni hmel an la hmu leh miah lo!

Nizan khan hmeichhe inelna huangah tho hian Luangmual leh Power Department Sporting Club an inkhel a, result erawh kan hre hman lo a ni.