Depay a inhnukdawk

Netherlands tan koh ni mah se Memphis Depay chu hliam vangin squad aṭangin a inhnukdawk. Dutch football association chuan Daley Blind leh Tijjani Reijnders te erawh koh chhin zingah tel mah se an ram team aṭangin an chhuahtir leh rih tih an sawi bawk.

Coach Ronald Koeman-a'n Nations League khel turin player 26 a ko a, tunah chuan 23 chauh an ni ta. Depay hi March thla khan a malpui a hliam a, thla khat chuang a chawlh hnuah La Liga match khelh leh mah se a chawn a hliam leh a ni.

Dutch team hian Nations League semifinal-ah Croatia an hmachhawn dawn, an chak a nih chuan Spain leh Italy inkhela chak zawk nen an inhmachhawn chhunzawm leh dawn a ni - forward ṭha Depay awm lo tur hi channa lian a ni phak ang.

Defender pahnih Nathan Ake leh Denzel Dumfries te pawh koh an ni a, mahse Manchester City leh Inter Milan ten Champions League final an la khelh dawn avangin an ram team hi an la zawm ve rih lo a ni.

Netherlands Squad

Goalkeepers: Justin Bijlow (Feyenoord), Mark Flekken (SC Freiburg), Andries Noppert (Heerenveen).

Defenders: Nathan Ake (Manchester City), Sven Botman (Newcastle United), Matthijs de Ligt (Bayern Munich), Denzel Dumfries (Inter Milan), Lutsharel Geertruida (Feyenoord), Tyrell Malacia (Manchester United), Jurrien Timber (Ajax Amsterdam), Virgil van Dijk (Liverpool).

Midfielders: Frenkie de Jong (Barcelona), Marten de Roon (Atalanta), Teun Koopmeiners (Atalanta), Noa Lang (Club Brugge), Joey Veerman (PSV Eindhoven), Mats Wieffer (Feyenoord), Georginio Wijnaldum (AS Roma).

Forwards: Steven Bergwijn (Ajax Amsterdam), Cody Gakpo (Liverpool), Donyell Malen (Borussia Dortmund), Xavi Simons (PSV Eindhoven), Wout Weghorst (Manchester United).