Foxes player pasarih an chhuak dawn

Premier League aṭangin an tla a, na takin club a nghawng dawn tih chu thil chiangsa a ni. Leicester City chuan June thlaa contract zo tur player pasarihte chuan an club an chhuahsan dawn tih an sawi chiang.

Tun season tawp rualin - Youri Tielemans, Caglar Soyuncu, Daniel Amartey, Nampalys Mendy, Ryan Bertrand, Ayoze Perez leh Tete te chuan English club tan hian an contract an hmang zo a ni.

Leicester chuan thuchhuah siamin, "Player pasarih tena Leicester City tana an hnathawh leh thil lo tih tawh avang khan an chungah kan lawm takzet a, an kal lehzelna turah hlawhtlinna chang chhunzawm turin duhsakna kan hlan," an ti.

Player pasarih ngawt chhuak dawn mah se captain Jonny Evans erawh a contract pawhsei an la tum a, inremna la awm chiah lo mah se Foxes chuan indawrna a kaltluang hle tih an sawi bawk.

Leicester City hian Brendan Rodgers kaihhruaina hnuaiah season bul an ṭan fuh tawk lo a, an coach hi banin Dean Smith an lalut - beiseina sang tak nei mah se an inhamtang zo lo, season tharah chuan Championship lamah an inlan a ngai dawn a ni.