Belgium tan mi thar pali an ko

European Cham-pionship qualifier khel turin Belgium coach thar Domenico Tedesco chuan squad a puang a, player koh 24 zingah tun hma lama ram tana la inlan ngai lo pali an tel.

Austria leh Estonia hmachhawn tur zingah hian - goalkeeper Arnaud Bodart, defender Ameen Al-Dakhil leh midfielder pahnih Olivier Deman leh Mike Tresor te chu koh thar anh ni a. Michy Batshuayi leh Hans Vanaken te tan hmun a awm ve leh ta bawk.

Tedesco hian World Cup zawn hnu khan Roberto Martinez a thlak. A match hmasa atan March thla khan Sweden leh Germany te a lo hmachhawn tawh a, tun ṭuma Euro qualifier an khelh tur hi a ngai pawimawh zual ang.

Tun hma lama koh tawh ṭhin zingah Charles De Ketelaere leh Romeo Lavia te tan hmun a awm lo a, hliam vangin Amadou Onana leh LeandroTrossard te chu koh zingah an tel lo bawk.

Belgium hian June 17 hian Brussles-ah Austria an mikhual dawn a, chumi aṭanga ni thum hnuah Estonia an lenchilh ang. Group F an match hmasaah hnehna an chang tawh a, tunah hian Austria hnuaiah an awm.

Austria hian match hnih an khelh tawhah point ruk an nei - Belgium erawhin match khat chauh an la khung thung a ni.

Belgium Squad:

Goalkeepers: Arnaud Bodart (Standard Liege), Thibaut Courtois (Real Madrid), Thomas Kaminski (Blackburn Rovers), Matz Sels (Racing Strasbourg).

Defenders: Ameen Al-Dakhil (Burnley), Sebastiaan Bornauw (VfL Wolfsburg), Timothy Castagne (Leicester City), Wout Faes (Leicester City), Arthur Theate (Stade Rennes), Jan Vertonghen (Anderlecht).

Midfielders: Yannick Carrasco (Atletico Madrid), Kevin De Bruyne (Manchester City), Olivier Deman (Cercle Brugge), Leander Dendoncker (Aston Villa), Orel Mangala (Nottingham Forest), Alexis Saelemaekers (AC Milan), Youri Tielemans (Leicester City), Mike Tresor (Racing Genk), Hans Vanaken (Club Brugge).

Forwards: Michy Batshuayi (Fenerbahce), Jeremy Doku (Stade Rennes), Romelu Lukaku (Inter Milan), Dodi Lukebakio (Hertha Berlin), Lois Openda (Racing Lens).