Spurs assistant manager atan King

Tottenham Hotspur chuan an captain hlui Ledley King chu first-team assistant coach atan an ruat thu an puang a, coach Jose Mourinho thachhang dawltu a ni ang.

King hian season 13 chhung chu Spurs tan a khel, match 323 khelhsakin 2006 khan League Cup champion an ni. Inkhelh a chawlhsan hnuah 2012 aṭang khan club ambassador a ni a, tunah chuan team enkawl lamah a inhmang dawn.

Tun season tawp rual khan assistant coach leh technical analyst ni bawk Ricardo Formosinho chuan Spurs a chhuahsan a, a hmun ruak hi King-a'n a hnawh khat ang - club tan hun rei tak lo khel tawh a nih avangin a mikhual dawn lo.

Spurs manager Mourinho chuan, "Spurs tan hian a theihna zawng zawng a lo hlan tawh ṭhin a, khelmual chhung leh pawnah entawn tlak a nih avangin ani ka thawhpui thei tur hi ka lawm. Kei ang bawkin fans pawh an lawm ngei ka ring," a ti.