Mbappe hian Ballon d’Or a phu - Deschamps

France manager Didier Deschamps chuan a forward duhlai Kylian Mbappe chuan mimal chawimawina sang Ballon d’Or dawn a phu tih a sawi a, season a hman dan thlirin award chu a dawn a rin ngei thu a sawi bawk.

Ballon d’Or kawl mektu Karim Benzema-a'n Real Madrid chhuahsanin Saudi Pro League an pan a, Argentina tana World Cup nomawi chawitu Lionel Messi chu Ballon d’Or dawng tura rinkai a ni mah se Major League Soccer lam a pan.

Deschamps chuan, "Mbappe hna thawh leh a thil tihte hi thlir ila Ballon d’Or a phu ka ti. Midang pawhin thol ropui tak tak ti mah se, season hmasa an sulhnu en chuan a phu hle," a ti.

Mabppe hian France chu World Cup final a hruai thleng a, a champion pui lo. Ligue 1-ah Paris Saint Germain chu a champion pui thung. Tunah hian Euro 2024 qualifier khel turin Les Bleus tan koh a ni.

France hian June 16 hian Gibraltar an tlawh dawn a, chumi hnuah Greece nen Stade de France-ah an inkhel leh ang.

France Squad:

Goalkeepers: Alphonse Areola (West Ham), Mike Maignan (AC Milan), Brice Samba (Lens).

Defenders: Axel Disasi (Monaco), Wesley Fofana (Chelsea), Theo Hernandez (AC Milan), Ibrahima Konaté (Liverpool), Jules Koundé (Barcelona), Ferland Mendy (Real Madrid), Benjamin Pavard (Bayern Munich), Dayot Upamecano (Bayern Munich).

Midfielders: Eduardo Camavinga (Real Madrid), Youssouf Fofana (Monaco), Adrien Rabiot (Juventus), Aurélien Tchouaméni (Real Madrid), Antoine Griezmann (Atlético Madrid).

Forwards: Kingsley Coman (Bayern Munich), Ousmane Dembélé (Barcelona), Olivier Giroud (AC Milan), Marcus Thuram (Borussia Mönchengladbach), Randal Kolo Muani (Frankfurt), Kylian Mbappé (PSG), Christopher Nkunku (RB Leipzig).