Abraham-a khup an zai

AS Roma chuan an striker Tammy Abraham chu London khawpuiah a khup vei lam hliam an zai tih an sawi a, engtiang chena rei nge a hliam vang hian a chawlh dawn tih erawh an sawi thei rih lo.

Serie A match hnuhnung bera Spezia an hmachhawn ṭumin Abraham hi a inhliam. Stadio Olimpico-ah bench aṭanga a luh hnuah a hliam vang hian thlak a ngai leh ta tho a ni.

Kum 25 mi Abraham hian season hmasa hmang ṭha viau mah se tun season-ah erawh beisei a phak lo, inelna hrang hrangah match 54 aṭangin goal kua a khung a, a ṭhiante khung tur vawi sarih a siamsak bawk.

Jose Mourinho enkawl Roma hian tun season chu nomawi an chawi lo a. Serie A-ah parukna an nih avangin season tharah Champions League a khel phak dawn lo.