BVT lakah Kanan an chak

Tata SK 712 Pro Volleyball League khelh laia hmeichhe inelna lamah Kanan an che fuh hle. Kanan hian nimin khan Bethlehem Vengthlang chu 25-20, 25-17, 22-25, 25-23 (3-1) in an hneh.

R. Dengṭhuama Indoor Stadium, Mualpuia inkhelah Kanan tan R. Laltleipuii chuan point 16 ngawt a hlawh chhuak a, ṭum li tihsual nei ve bawk mah se D3 Business Player of the Match atan thlan a ni.

Kanan hian an match hmasa zawkah Durtlang an lo hneh tawh bawk a, match hnih an khelh tawh chinah harsatna lian tak nei loin an khingpui an hneh ve ve. Nizan khan hmeichhe inkhel pakhat leh mipa inkhel a awm zui a, result kan hre hman lo.