Swiatek hmaah Gauff tlawm

Coco Gauff tan Iga Swiatek chu a la ṭha mah mah deuh a, a tum ram a thleng zo ta lo. Nilaini zan khan American tleirawl hi Swiatek lakah 6-4, 6-2 in a chak lo a, inelna neih lai French Open quarterfinal-ah a tla.

Season hmasa khan player pahnih hi final-ah an intawng tawh, ranking sang leh upa zawk Swiatek a chungnung. Kuminah pawh Polish nula bawk a chak a, kum 19 mi Gauff tan Paris khawpuia hlawhtling tur chuan kum khat dang a nghah leh rih a ngai dawn.

World number 1 leh seeded pakhatna ni bawk Swiatek hian nizan khan semifinal-ah Beatriz Haddad Maia a tum zui leh a, inkhel dangah Australian Open champion Aryna Sabalenka leh Karolina Muchova ten final luh an inchuh bawk - result erawh kan hre hman lo.