Norwich-in Liverpool dilna an hnawl

Premier League aṭanga tla hlim Norwich City chuan champion team Liverpool-in pound maktaduai 10-a an left back Jamal Lewis lei an dilna chu an hnawl a, Canaries hian hei aia to zawka hralh theih an inbeisei. 

Northern Ireland international hian Norwich tan kum 2023 thleng khel turin contract a la nei a, Reds hian 'sell-on clause' (hralh leh huna Norwich-in a man an tel ve theihna tur) telh bawk mah se Canaries hian an pawm chuang lo. 

Liverpool tan left back-ah Andy Robertson chu regular player a ni a, mahse midfielder James Milner tih loh chu Reds hian Scotland captain thachhang dawl tura rintlak player an nei lo - Lewis hian season liam taah khan Norwich tan league match 28 khelin goal khat a khung. 

Norwich hian Reds left back, kum 19 mi Yasser Larouci an duh ve bawk nia sawi a ni a, Premier League champion hian Croatia centre-back Dejan Lovren chu Zenit St Petersburg lamah pound maktaduai 10.9-in an lo hralh tawh a ni.