India beiseina a tawp

Badminton inelna Singapore Masters-ah India beiseina a tawp, mipa leh hmeichhe singles mai bakah doubles huang thlengin Indian player an tla kim - a tla hnuhnung ber chu Kidambi Srikanth a ni.

Ningani inkhelah, world number 1 hlui Srikanth hian minute 37 chhungin Chinese Taipei tlangval Chia Hao Lee chu 15-21, 19-21 in a ngam lo, player pahnih an intawn hmasak berah India tlangval a vanduai zawkah a ṭang.

Inkhel dangah India player beisei awm tak Priyanshu Rajawat chu Japanese tlangval Kanta Tsuneyama lakah 17-21, 16-21 in a chak lo. Inelna tir lamah H.S. Prannoy leh hmeichhe player PV Sindhu te an lo tla tawh bawk.