Bayern-ah Laimer a lut

German champions Bayern Munich chuan an elpui RB Leipzig aṭangin midfielder Konrad Laimer chu man nei loin an lalut a, kum li daih contract an ziah pui a ni.

Kum 26 mi Laimer hian Red Bull Salzburg aṭangin 2017 khan Leipzig a zawm a, inelna hrang hrangah match 190 a khelhsak hman a, a club thar chu atana duhthusam leh sang tak thlen theihna tur a nih a beisei thu a sawi.

Bayern Munich hian season dang angin Bundesliga an thunun tawk lo, match hnuhnung berah Borussia Dortmund an chetsual laia che fuh zawk an nih avanga champion ve thei chauh an ni, season thar chu insiamthar an tum dawn.