Kante a la dam thei lo!

Chelsea midfielder N’Golo Kante-a'n Al-Ittihad zawm turin thutlukna a siam a, mahse a hriselna endik a nih hnuah Saudi Arabian club hian inremna an la ziah pui thei rih lo - medical test a paltlang lo tihna a ni.

Kante hi kum 32 mi a ni ve tawh a, a vanglai a pek ve ṭan tawh. Tun hnai thla ruk chhung chu malpui hliam vangin a buai. Premier League-ah Blues pawhin an chhawr theih rih meuh lo, a awm loh karah London club an talbuai hle bawk.

Saudi Arabian League hoin Europe aṭanga player ṭha lakluh tumin hma an la mek. Cristiano Ronaldo an la fel tawh a, Lionel Messi la thei ta lo mah se Karim Benzema chuan Al-Ittihad Club a zawm fel tawh bawk a ni.

Manchester City forward Riyad Mahrez chu Saudi club lamin an hel mek bawk. Algerian player hi Al-Ahli nen an indawr a, sem che vel a tam tham ṭhin em avangin an inrem a nih pawhin a mak lo ang.