Mizo boxer-te an feh chhuak

Gangtok, Sikkim-a 6th Youth Men National Boxing Championship 2023 neih tur atan Mizo boxer parukten vawiin hian Mizoram an chhuahsan dawn a, boxer-te hi manager Rozamliana leh coach Rosema Colney ten an hruai a ni.

Palijor Indoor Stadium-a neih tur inelna hi June 12-ah ṭan a ni ang a, June 18 thleng neih tur a ni dawn a ni. Mizoram team manager Rozamliana chuan, "Chetsual theih a ni a, chutihrual chuan kan naute hi an ṭha angreng a, medal kan rawn hawn theih ngei ka beisei.

"Kan pool awmnain a zir a ṭul ve bawk a, a nihna takah chuan Services te nen kan awm ho nghal loh chuan chance a sang lehzual turah ka ngai. Mizo mipui ṭawngṭaipuina kan ngen e," tiin Vanglaini a hrilh.