England player thiam ber Hendo

Liverpool captain Jordan Henderson chu England Player of the Year atan thlan a ni a, kum 29 mi midfielder hian he chawimawina dawng tur hian Manchester City forward Raheem Sterling leh Tottenham Hotspur striker Harry 

Kane a khum. 

England tana vawi 55 inlan tawh Hendo hian Euro 2020 khel tura Three Lions an tlin theih nan tha a thawhhlawk takzet a, UEFA Nations League-a pathumna an nihna kawngah a ṭangkai viau bawk. Premier League-ah Liverpool champion pui zo lo mah se season tluanin vawi khat chiah league-ah an tlawm a, Champions League nomawi a chawi bawk avangin England player 

ṭha ber atan thlan hi a phu hle. 

Kumina UEFA Super Cup leh Club World Cup nomawi chawitu ni bawk Hendo chuan, "England squad ṭhatzia ka ngaihtuah a, he chawimawina ka dawng thei hi ka lawm takzet. Min vote tute zawng zawng chungah lawmthu ka sawi a ni," a ti. 

Hmeichhe lamah Lucy Bronze chu English player ṭha berah thlan a ni a, French club Lyon tana khel mek full back hian SheBelieves Cup-ah England champion puiin World Cup semifinal an lut bawk. England tana match 81 khel tawh player hian Lyon tan French football-a nomawi pathum a chawi a, Champions League-ah a champion bawk a ni.