MiCA-in XCO race a buatsaih dawn

Mizoram Cycling Association (MiCA) chuan June 20, Zirtawpni hian Muthi ramah cycling hmanga inelna Mizoram XCO 2023 an buatsaih dawn. MiCA-in XCO race a vawi khat buatsaihna tur a ni a, kawng bumboh leh chhuk chho tak takah intlansiakna hi neih a ni ang.

Inelna kalphung hi Cross-Country Olympic (XCO)a ni dawn a, category pathum Junior, Master leh Elite-ah ṭhen a ni. Junior-ah hian kum 17 chin an tel thei a, Master hi kum 35 chunglam tan niin Elite hi a duh apiang tan a ni thung. Cyclist tel turte hi category pakhatah chauh a tel theih.

Entry fee hi June 15, Ningani zan dar 11:59 hmalama pe tan Rs 300 a ni a, hemi hnu lama pe tan Rs 600 a ni thung. June 27, Thawhlehni zan dar 11:59 thleng entry fee hi a pek theih.

Mizoram Cycling Association hi December 1, 2015-ah din niin Mizoram Societies Registration Act hnuaiah kum 2021 khan a in-register a. MiCA hi Mizoram State Sports Council hnuai Member Association 33-na ni turin May 9, 2022 khan lakluh a ni. An hnuaiah hian Kolasib, Lunglei leh Champhai District Cycling Association te an awm mek a ni.