AC Milan neitu hlui Silvio Berlusconi a thi

Italian club ropui AC Milan vanglaia club neitupa leh president ni bawk Silvio Berlusconi chu kum 86 mi niin a thi a, a thih chhan hi leukaemia niin an tarlang.

Berlusconi hi nimin khan San Raffaele damdawi in, Milan khawpuiah a thi a, football ngainatuten AC Milan neitupa ṭhin angin hre mah se khawvelin an hmelhriatna tak erawh Italy Prime Minister hlui a nihna chu a ni.

Kum 1994 khan Berlusconi hi a vawi khat nan Italy Prime Minister a ni a, 2001 – 2006 inkarah khan he dinhmun hi chelh lehin, indopui pahnihna hnua Italian Prime Minister ni rei thei ber a ni a, kum 2008 khan ni nawn leh mah se sum lama buaina avangin kum 2011 khan a bang.

Berlusconi hi 1986-2017 inkar kha AC Milan-ah hian a neitu a ni a, hetih chhung hian Italian club hian league nomawi pariat bakah Champions League nomawi panga an chawi thei - a nep lo hle.