Hrem aiin World Cup khelh loh a na zawk - Toney

Football Association-in betting rules bawhchhiat vanga a hrem mek Ivan Toney chuan tuna a hremna tawn aiin nikum kum tawpa FIFA World Cup a khelh loh chu na tih zawk thu a sawi.

Brentford striker Toney hian FA hnuaia pawisa inchawina dan 232 zet a bawhchhia a, a thil tihsual hi a pawm hnuin May thla khan thla riat chhung inkhel thei lo tura hrem a ni.

Kum 27 mi Toney chuan, "Thla riat chhung football ka khel dawn lo a, chutihrualin ka tana hremna na ber chu World Cup-a ka tel phak lo kha a ni. World Cup hi chu mi zawng zawng khelh châk a ni," tiin a sawi.

Toney hian kumin March thla khan Euro 2024 qualifying-ah England tan a vawi khat nan a inlan a, Ukraine 2-0 a an hneh ṭumin bench aṭangin a inlan. Chutihrualin nikum September thla khan Gareth Southgate-a'n ram tana khel turin a ko tawh a, season ṭha tak a hman bawk avangin World Cup a khelh loh vanga hrehawm a ti hi a mak hran lo.

English triker hian September 17 aṭangin Brentford training a zawm ṭan a, thla li hnuah hremna hi a hmang zo ang.