Governor-in Puskpak hotute a huna hna zo turin a chah

Governor Dr Hari Babu Kambhampati chuan nimin khan Raj Bhavan-ah Project Pushpak hotute a kâwm a, a hun takah hna thawh zawh zel tum turin a chah.

Dr Hari Babu Kambhampati chuan, Project Pushpak chu Mizoram hmun kilkhâwr zawka hna thawk an nih angin an mawhphurhna a pawimawh zual tih a sawi a; ṭha taka an hna khawih mekte thawk chhunzawm tur leh a hun taka thawh zawh zel tum turin a chah a ni.

Project Pushpak hotute chu media mite kawm tlangnél a, kum tin vawi khat emaw tal an hnathawh chungchang sawihona neihpui ṭhin turin Larsap chuan a chah a, "Mizorama sorkar laipuiin hmasawnna ruhrel a siamte mipuiin chiang zawka an hriat a ṭul," a ti a; Project Pushpak-in hna an thawh ṭhenkhatah Certificate of Appreciation a hlan nghal bawk.