Zaninah Nations League semfinal

UEFA Nations League finals chu zanin hian khelh ṭan a ni dawn a; team pali Netherlands, Croatia, Spain leh Italy ten nomawi an inchuh ang. Netherlands-in inelna hi an thleng dawn a, zanin dar 12:15 hian Oranje hian De Kuip-ah Croatia an hmachhawn ang.

Nations League hi friendly match u awrh a ni a, chutihrualin UEFA hnuaia competitive match a nih avangin finals chin chuan ngaihven a hlawh. Champion hmasa ber chu Portugal an ni a, France an champion tawh bawk. Kumin hi a vawi thumna a ni a, champion thar an awm dawn.

Oranje hi coach thar Ronald Koeman hnuaiah an khel ṭan tawh a, tun ṭumah hian player pawimawh Memphis Depay inhliam vangin an chhawr thei dawn lo. Depay hi awm lo mah se tlarhmaah Cody Gakpo, Donyell Malen leh Wout Weghorst te an awm.

Croatia hi Luka Modric-a'n a la ho thei dawn a, Inter Milan midfielder Marcelo Brozovic leh Chelsea midfielder Mateo Kovacic te nen an inkawp theih avangin midfield pawh a chak ṭha. Netherlands hi an muala khel tur ni mah se Croatia laka rinkai zawka sawi an harsa hle.