Manchester khawpui a pawl

Manchester City-in Thawhṭanni khan 'champion parade' an nei a, nomawi pathum Champions League, Premier League leh FA Cup nen bus chunga chuangin Manchester khawpui an fang.

Ruah a sur nasat avangin kawngzawh hun sawn tlai hret mah se mipui an pun tlem phah lo a, Manchester khawpui chu kawr pawl hain an khat. Inrinni zan khan Man City hian UCL final-ah Inter Milan 1-0 in an hneh a, Pathianni khan Istanbul aṭangin Manchester khawpuiah an kir.

Man City hi Sir Alex Ferguson hnuaia Manchester United an treble champion hnua English club zinga treble champion leh thei hmasa ber an ni a, European champion an nih hma hian English football an thunun bawk. Pep Guardiola hote hian Premier League hnuhnung pathumah nomawi an chawi vek a, kum ruk chhungin vawi ngai an champion!