Bees-in a nghetin Schade an la lut

Brentford-in January thlaa Freiburg aṭanga loan hmanga an hawh Kevin Schade chu a nghetin an lalut. Bees hian kum 21 mi Schade lalut tur hian pound maktaduai 22 an seng nia hriat a ni a, club record a ni.

German forward Schade hian Premier League match 18 aṭangin goal a khung lo a, chutihrualin kumin March thla khan Germany tan match hnih a khel thung. Brentford director of football Phil Giles chuan, "Khelmual chhung leh pawna Kevin Schade chet danah kan lawm a, Brenford tan hna ṭha tak a thawh zel theih kan beisei," tiin a sawi a, Schade hian kum nga daih contract a ziak a ni.