Guerreiro-a'n Bayern a zawm dawn

FC Bayern Munich chuan international break zawhah an elpui Borussia Dortmund aṭangin Raphael Guerreiro an lalut dawn. Tun dinhmunah club pahnih hian inremna an nei vek tawh a, Portuguese defender Guerreiro hian June 2026 thleng contract a ziak a ang.

Season hman zawh takah khan Bayern hian nomawi humhim mah se match tawp bera an elpui Dortmund chetsual vang chauha champion an ni. Nipui bazarah Bayern hian Dormtund player pawimawh pakhat an phawisak a, season thar atan champion kawng an sial ṭan leh der tawh.

Bayern hian tun hmain Dortmund player pawimawh Robert Lewandowski, Mario Gotze leh Matt Hummels te an lo chhuhsak tawh. Bavarians hian an player pawimawh Joshua Kimmich chu an hum hmel bawk.

Barcelona nena sawi zawm Kimmich chuan, "Thuthang hi keini pawhin kan hria a, ka ngaihven zui hran lo. Mi zawng zawng hriat angin Bayern-ah kum hnih contract ka la nei a, hmachhawp lian tak kan nei bawk," tiin Bild a hrilh.