Germany-in Ukraine an draw hram

Weserstadion, Bremen-ah Thawhlehni zan khan Germany-in Ukraine an mikhual a, Hansi Flick-a hote hian hun tawpa goal hnih an khung zarah 3-3 an inhnethawk thei hram.

Friendly match-ah hian Flick-a'n player chhawr lo mah se Ukraine laka chak tura ngaih an ni a, beisei ang ngawt erawh a ni lo. Minute rukna lekah Marius Wolf ball pet chuan Niclas Fullkurg perin goal-ah a lut. Mahse, Ukraine tan Victor Tsyhankov-a'n goal hnih a khung bakah Antonio Rudiger-a'n an lamah a tilut bawk.

Germany ṭantuten an player-te an au el hman a, mualneitu tan Chelsea midfielder Kai Havertz chu chhandamtu a ni. Havertz hian minute 83-naah siphurh a sut ṭhen bakah injury time-a siphurh an sut theih nan penalty a hlawh chhuak a, Joshua Kimmich-a'n penalty hi a khung.

June 16, Zirtawpni zan hian Germany-in Poland nen friendly match an khel leh dawn. Flick-a hote hian World Cup-ah first round an paltlang lo a, Germany-in Euro 2024 an thlen dawn avangin insiamṭhat an mamawh hle.