Huddersfield-ah Warnock a cham dawn

Kum 74 mi Neil Warnock chuan manager hna chawlhsan hnuin kumin February thla khan Huddersfield Town enkawl turin a rawn kir a, Terriers hi Championship-a a ham tanpui hnuin season khat dang contract a ziak.

Warnock hian kum 41 chhungin club 16 a enkawl tawh a, kum 2006 khan a naupan lai aṭanga a club ṭan Sheffield United chu Premier League-ah a kaipui.

Season hman zawh takah khan Huddersfield hi match 15 chhung enkawlin match sarihah hnehna a chanpui a, 23 aṭanga bul ṭanin 18-naah season a khar a ni.