Kyrgios leh Venus Williams an chak lo

Tennis inelna grass court season an ṭan a, hliam dam hlim Nick Kyrgios chu a match hmasa berah a chak lo. Hmeichhe inelna lamah Venus Williams pawh chak nei loin a zinkawng a tawp nghal bawk.

Australian tlangval Kyrgios hi a khup hliam zai a ni a, nikum October thla hnua a inkhelh lehna hmasa ni turin Stuttgart Open-ah a inlan, a khingpui Chinese tlangval Wu Yibing lakah 7-5, 6-3 in a chak lo.

Kum 42 mi Venus chu Libema Open lamah a inlan a, world number 1 hlui hian kum 25 mi Celine Naef chu 3-6, 7-6 (6-3), 6-2 in a ngam lo, player pahnih hi kum 17 ngawtin an inthlau a ni.

American legend Venus hi a vanglai a pel thui ta deuh a, tun hnaiah result ṭha a nei ta meuh lo. Libema Open-ah hian duhsak takin wildcard pek ni mah se result ṭha a nei thei ta chuang lo, a unaunu Serena chuan Venus hi a hmunah a ṭawimawm a ni.