Bengaluru-in Hyderabad an ngam

Ningani zan Indian Super League inkhelah Bengaluru chuan 1-0 in an mikhual Hyderabad FC an hneh a, a sang pali zinga season tawp khar turin kawng dik an zawh zel. 

Sree Kanteerava Stadium-a inkhelah Bengaluru tan Nishu Kumar chuan minute sarihna lekah goal hmahruai a khung a, Hyderabad tan Marko Stankovic chuan penalty hmanga sutna remchang nei mah se goal-ah a chantir thei lo. 

Hyderabad hian minute 23-naah penalty hi an hlawh chhuak. Kum 19 mi defender Suresh Wangjam chuan Marcelinho a ti tlu a, penalty hi a chawi.

Mikhual team tan Austrian midfielder Stankovic a lo pen chhuak a, a hun ṭha neih hi goal-ah a chantir thei lo - hun tawp thlengin goal dang a lut lo a, 1-0 in Bengaluru an chak. 

Bangalore club tana a match hmasa berah Francisco Borges chuan vawi hnih ngawt goal khungna remchang a nei a, mahse post a tih per ve ve.