Sindhu a chak lo leh tawh

PV Sindhu tan season duhawm lo a ni chhunzawm zel. Indonesia Open khelh laiah Sindhu chu Chinese Taipei nula Tai Tzu Ying lakah 18-21, 16-21 in a chak lo a, quarterfinal thleng zo loin a zinkawng a tawp.

Indian nula Sindhu hian Tai Tzu Ying hi a ngam hleithei lo, vawi 19 a hneh lohna a ni hial a, ṭum nga chu a hneh ve tawh. Tun season kal laiah pawh vawi hnih a hneh lohna a ni a, tun ṭumah hian minute 39 chhung chauh an inkhel.

Mipa singles lamah Indian player pahnih an inkhel a, inkhel hmuhnawm takah Kidambi Srikanth chuan Lakshya Sen chu 21-17, 22-20 a hnehin quarterfinal a lut a, a match lehpekah chuan Li Shi Feng a tum leh ang - Li Shi Feng hian inkhel dangah Loh Kean Yew chu 21-19, 21-14 in a hneh.

Indonesia Open khelh laiah hian Indian player dang H S Prannoy, Satwik-Chirag leh Priyanshu Rajawat te pawh an inlan a ni.