Chhinga Veng coach thar Sanga

Chhinga Veng FC chuan Mizoram Premier League-a Chawnpui FC champion puitu Lalsangzuala Hmar an lalut. Chhingcows hian May thla laihawl khan club OB Dr Jerry L. Pautu (President), Lalhriatpuia (Senior Vice President) leh Lalthanzama Vanchhawng (General Secretary) te chawlh thu an puang a, June thla tirah chanchin duhawm an nei ta thung.

Sanga hian Chawnpui FC a champion pui hma hian Chhinga Veng leh Chanmari FC te MPL-ah a champion pui tawh a, MPL-a sulhnu nei ṭha ber coach a ni. CYMA Football neih zawh takah khan Sanga hian Bethlehem Vengthlang a enkawl a, quarterfinal-ah champion pui zui ta Venghnuai lakah an vanduai.

Chhinga Vengin active coach zinga hming langsar ber Sanga an lakluh takah chuan champion rinkai an ni chho lehnghal a, Sanga leh coach Lalremruata te an thawh dun leh dawn avangin an buk a rit nghal. Player ṭha tan pawh Chhingcows tana khelh a châkawm sawt ang.