Smalling-a'n contract a pawtsei

English defender Chris Smalling chuan AS Roma-ah a contract neih lai chu June 2025 thleng atan a pawtsei. Thla liam ta khan Roma leh Smalling te hian inremna an nei tawh a, nimin khan an puangzar a ni.

Kum 33 mi Smalling hi Manchester United-a Sir Alex Ferguson-a lakluh kha niin Premier League nomawi pawh vawi hnih a chawi hman. Amaherawhchu beisei a phak chhunzawm loh avangin kum 2019 khan Roma-ah loan-in a kal a, season khat hnuah Italian club hian an la nghet.