Spurs-ah Kulusevski a nghet

Tottenham Hotspur chuan loan hmanga an hawh Dejan Kulusevski chu Juventus aṭangin an la nghet - Premier League club tan hian season nga daih contarct a ziak.

Sweden winger hian nikum January thla khan Spurs hi thla 18 chhung atan loan hmangin a zawm a, a club nghet Old Lady leh Spurs inrem dan chuan a loan hun a zawh hunah pound maktaduai 29.2-in an la nghet thei ang tih a tel.

A tira a man tur zat an ruahman erawh an tihniam - Tottenham hian pound maktaduai 25 a seng, an player hriatchian leh chhawr thiam sa an la nghet thei hi an tan chuan chanchin ṭha a ni ang.

Kum 23 mi Kulusevski hian North London club tan match 57 a khelh aṭangin goal sarih a khungsak a, tlarhma lamah Harry Kane te thachhangdawltu pawimawh zinga mi a ni.