Community shield khelh hun tur a chiang

England rama football thuneitu sang ber Football Association chuan season thar Community Shield chu August 6 zanah khelh a nih tur thu an puang, season thar khuhhawnna inkhelah hian Manchester City leh Arsenal an inkhel ang.

Community Shield-ah hian Premier League champion leh FA Cup champion te an inkhel ṭhin. Pep Guardiola enkawl Man City hian EPL, FA Cup leh Champions League te an la fai vek.

Man City an chawmpion kawp avang hian Premier League-a pahnihna Gunners nen an inkhelh dawn. EPL khelh zawh takah khan Mikel Arteta naute hian Man City kha point ngain an phak lo.

Season hmasa Community Shield-ah Leicester City khelmual King Power Stadium-ah khelh a ni, an khelhna pangngai Wembley Stadium chu Women's European Championship khelh nana an hman vang a ni, kuminah chuan a hmun pangngaiah hian khelh theih a ni tawh ang.

England rama football inelna sang ber Premier League season thar hi August 11, Zirtawpni zanlaiah khelh ṭan a ni dawn.