Belgium tan Lukaku goal khat

Romelu Lukaku-a goal khat khung hmangin Belgium chuan Austria laka an si phurh an sut a, goal dang lut zui loin ram pahnihte hi Euro 2024 qualifying khelh laiah 1-1 in an inhnehtawk.

Inrinni zan inkhelah mikhual Austria lamin goal an nei hmasa, minute 21-naah Belgium midfielder Orel Mangala chuan anmahni lamah a ti lut a, second half-ah Chelsea striker Lukaku chu a rawn sut.

Belgium hian hliam vangin Kevin de Bruyne an chhawr thei lo a, inkhel chawlhlawk laiin an captain kal chhuakta Eden Hazard an chawimawi bawk. Inkhel thunun tak chunga point thum an hmu lo erawh an ui ang.

Group F-ah Austria hian match thum aṭangin point sarih an hmu a, a chung berah an awm - pahnihna Belgium hian match hnih aṭangin point li an hmu thung a ni.

Thawhlehni zan dar 12:15-ah Belgium hian Estonia an tlawh dawn, a hun ngaiah hian Austria chuan Sweden an mikhual thung ang.