Brazil-in kawr dum an ha

Brazil-in chi leh chi inthliarna an duh lo tih lantir nan Guinea nen friendly match an khelh ṭumin first half-ah kawr dum hlang an ha a, second half-ah erawh kawr eng leh kekawr bul an rawn ha thung.

Selecao hian an player pawimawh Vinicius Jr chhan nana an tih a ni a, Real Madrid forward hi Vini Jr hi La Liga-ah ṭum khat aia tam auh el a ni.

Cornella-El Prat, Barcelona-a inkhelah Joelinton leh Rodrygo ten minute 30 chhugnin Brazil tan goal hnih an khung. Guinea-in Serhou Guirassy hmangin chhanglet mah se Selecao-in Eder Militao leh Vini Jr penalty hmangin second half-ah an khung belh.

FIFA World Cup zawhah coach Tite a ban avangin Brazil hi Ramon Menezes chu enkawl lailawk tura ruat a ni. June 20, Thawhlehni hian Brazil-in Senegal an hmachhawn leh ang.