Viktor Axelsen a chungnung ber

Badminton world number 1 Viktor Axelsen chuan a zawna a vawi thumna ni turin Indonesia Open title a la a, champion tur hian Anthony Sinisuka Ginting chu straight game hmangin a hneh.

Pathianni zan khan Istora Senayan Arena, Jakarta-ah a hmawr bawkna neih niin - Danish tlangval hian tualchhung tlangval ṭantu ngah tak hi minute 47 chhungin 21-14, 21-13 in a hneh a ni.

Kum 29 mi Axelsen chuan, "Indonesia Open champion hi engtik niah emaw chuan ka la ni ve ang tiin ka ngaihtuah ṭhin a, a zawnin vawi thum ka champion ang tih erawh ka ngaihtuah phak ngai lo.

"Ka khingpui kha a pawimawh hunah na takin ka nawr thei a, mahni inven hunah ṭha taka ka inveng thei bawk kha ka lawm," a ti.Tokyo Olympic gold medalist hi tun hnaiah a chungnung hle.

Hmeichhe singles inelna lamah Chinese nula Chen Yu Fei chuan, Spanish star Carolina Marin chu darkar khat leh minute li chhungin 21-18, 21-19 in a hneh ve bawk a ni.